Аюулгүй байдлын ажилтан ээлж хүлээн авахын өмнө биеийн байдлаа шалгуулж, ажлын байраа хүлээн авна. Мөн ээлж хүлээлцэх үед шаардлагатай тусгай хэрэгслийн бүрэн бүтэн байдал, хэвийн ажиллагааг нягтлан шалгана.

Аюулгүй байдлын ажилтнууд Security on аппликэйшныг ашиглан объектод байгаа нийт бараа, материалыг тоо хэмжээ, нэр төрөл зэргийг нарийвчлан шалгаж, хүлээлцэнэ.

Аюулгүй байдлын ажилтан авто машины ачаа тээшинд үзлэг хийхдээ бараа, материалыг оруулах, гаргах зөвшөөрлийн дагуу жолоочийг байлцуулан тээшинд байгаа эд зүйлийн тоо ширхэг, төрөл, нэрсийг жагсаалтын дагуу нарийвчлан шалгана. Хэрэв бараа материалтай холбоотой зөрчил илэрвэл холбогдох албан тушаалтанд мэдээлж, шийдвэрлүүлнэ.

Аюулгүй байдлын ажилтан нь объектод болж буй бүх процесс үйл явдлыг цаг минут бүрд Security on аппликэйшныг ашиглан мэдээллээр хангаж ажиллана.

Аюулгүй байдлын ажилтан объектод гаднаас нэвтрэхээр ирсэн хүнд “Амрыг эрье. Та ямар ажлаар хаанаас яваа вэ?" хэмээн учрыг лавлан асууж, бичиг баримтаа үзүүлэхийг шаардана. Бичиг баримтыг шалгахдаа тухайн хүний нүүрний сорви, мэнгэ, шивээс, нүд, чих, хамрын хэлбэр зэрэг онцлог шинжүүдийг ажиглаж, баримт зурагтай тулган шалгана. хэрэв зөрчилгүй бол тухайн иргэнийг холбогдох албан тушаалтантай холбон, зөвшөөрөл авч нэвтрүүлнэ.

Шуурхай бүлгийн аюулгүй байдлын ажилтан нь өдөр тутмын үйл ажиллагаанд тактикийн түвшинд хяналт, шалгалт хийж ажиллана. Мөн шаардлагатай тохиолдолд үүссэн асуудлыг яаралтай шийдвэрлэх зорилгоор объектод түргэн шуурхай очиж, нөхцөл байдлыг зохих журмын дагуу шийдвэрлэнэ.